Илјадници луѓе се приклучија кон иницијативата на социјалната мрежа Фејсбук каде се бара „Парите за Панорамското тркало да се пренасочат кон жртвите од поплавите и погодените подрачја“.

Во 2012 година беше соопштено дека Скопје има план да гради Панорамско тркало со придружни објекти и мостови кои ќе бидат истакнати меѓу камениот мост и мостот Гоце Делчев.

Идејата е центарот на градот да се збогати со нови атракции.

Проектот предвидува Панорамското тркало да е високо 60 метри, а со него треба да бидат изградени и патека на македонските ѕвезди, цветен и сончев часовник, две летни тераси, фонтана и отворени водени површини.

Плановите на скопската општина, очекувано, предизвикаа незадоволство меѓу дел од граѓаните кои сметаат дека трошењето на јавните средства за слични проекти е неоправдано.

Медиуми му го пренесоа прашањето на Фејсбук иницијативата на претседателот Иванов и градоначалникот на Скопје, но одговорите беа двосмислени.

„Тоа е одлука на Владата, упатете ги прашањата кон неа. Јас, како претседател, го направив она што е во моите надлежности“, изјави шефот на државата Ѓорге Иванов.

Од „Слободна Македонија“ сепак напоменуваат дека проектот за Панорамското тркало не е на владата, туку на ЈСП

Градоначалникот на Скопје Коце Трајановски, исто така одби да одговори на прашањето дали парите од проектот можат да бидат пренасочени кон погодените од поплавите.