Афера ја тресе Република Српска, затоа што наместо медицински, во ковид центрите користеле индустриски кислород. 

Тоа е тврдење кое изминатите денови е презентирано во медиумите кои прикажаа документи дека болниците се снабдувале со кислород од компании кои немале дозволи од Агенцијата за лекови на БиХ, производство, трговија и дистрибуција на медицински кислород, туку бил испорачуван технички кислород за пациентите .

Владата во Бања Лука соопшти дека примероците од кислородот кој е користен низ болниците  е испратен во лабораторијата од Белград. 

По добивање на резултатите, ќе се знае кој ќе понесе одговорност за аферата „Кислород“. Опозицијата бара одговорност за случајот.