Речиси 50 луѓе загинаа во самоубиствениот бомбашки напад на аеродромот Ататурк во Истанбул, јави агенцијата АП, повикувајќи се на неименуван турски претставник. Во меѓувреме турските медиуми јавуваат дека во нападот се убиени 32 лица, а 88 се повредени.

Нападот го извршија тројца бомбаши самоубијци, кои отвориле оган од калашников пред да ги активираат бомбите закачени на женски елечиња.

Телевизиската мрежа СиЕнЕН јави дека на местото на нападот стигнале десетина возила на итна помош и голем број на полицајци и ги пренесе наводите на очевидците дека две силни експлозии предизвикале паника меѓу патниците на терминалот.

Турската полција почнала да го евакуира аеродромот Ататурк во Истанбул после бомбашкиот напад, јави Ројтерс повикувајќи се на претставници на полицијата.

На твитер масовно се шири најпотресната фотографија на човекот кој носи дете, тешко повредено во експлозијата.