Производителот на челик „Тисенкруп“ објави дека привремено ќе го запре производството на електричен челик во два фабрики во Франција и неговата матична земја Германија, наведувајќи „неконтролирано“ зголемување на евтиниот увоз. 

Челичарниците во Гелзенкирхен и Исберг ќе бидат затворени од средината на декември до крајот на годината, соопшти во четврток најголемиот германски производител на челик.

[ ALLEMAGNE | FRANCE ]

Assommé par l’afflux d’acier asiatique à bas prix, va fermer jusqu’à fin décembre ses usines de Gelsenkirchen et d’Isbergues, puis réduire à 50% la capacité du site français début 2026.

Selon le groupe, les importations venues d’Asie ont triplé… pic.twitter.com/xzJshqtHCD

— Little Think Tank (@L_ThinkTank) December 13, 2025

Исберг ќе работи со половина капацитет најмалку четири месеци поради „нагло зголемување на евтиниот увоз, особено од Азија“, соопшти „Тисенкруп Стил“. Фабриките произведуваат грануларен електричен челик што се користи во енергетската индустрија за пренос на енергија, во трансформатори во трафостаници и во ветерни турбини.

„Тисенкруп“ е еден од двата преостанати производители на електричен челик во Европа, соопшти компанијата.

„Европскиот пазар за грануларен електричен челик во моментов е под силен притисок поради наглото зголемување на увозот по цени далеку под просечните трошоци за производство во ЕУ“, се вели во соопштението.

Увозот се зголеми за трипати од 2022 година, а само оваа година се зголеми за дополнителни 50 проценти, соопшти компанијата. Нарачките се намалија под такви услови, па затоа челичарниците се користат помалку и потребни се итни мерки за економска стабилизација на работењето, рекоа тие.

Според нив, околу 1.200 работни места во Германија и Франција се потенцијално во опасност. 

„Грануларниот електричен челик е неопходен елемент на европската енергетска инфраструктура и енергетска транзиција“, изјави извршната директорка Мари Харони, истакнувајќи дека Тисенкруп сака да го одржи производството во Европа и во моментов работи на ефикасна заштита на пазарот.