Стапката на раст на бруто домашниот производ во третиот квартал изнесуваше 3,5 одсто, објави Државниот завод за статистика.

Според соопштението, најголем раст е забележан во градежништвото кое во третиот квартал забележало раст од 29,4 одсто.

Раст во тој период имале и научните и техничките занимања, административните и помошните услуги, финансиските услуги и осигурување, трговија на големо и мало, транспорт и складирање.

Финалната потрошувачка на домаќинствата, вклучувајќи ги непрофитните организации кои му служат на домаќинствата, во третиот квартал номинално пораснала за 3,4 одсто, додека во истиот период извозот на стоки и услуги, номинално е зголемен за 3,3 одсто, а увозот 2,9 одсто.