Руската рубља забележа значителен раст од почетокот на декември откако Кина најави подготвеност да и помогне на руската економија доколку тоа биде неопходно. Дополнително, забрзаниот раст на руската валута беше поттикнат и од порастот на цената на нафтата на светското тргување, периодот на плаќање на даноци во земјата и поддршка на регулаторните органи, пренесува агенцијата „Тасс“. Рубљата на средно тргување порасна наспроти доларот за 3,8 рубљу и достигна вредност од 54,7 рубљи за долар. Зголемувањето, според експертите, може да биде само краткорочно и дека среднорочните перспективи на рубљата и понатаму се прилично негативни.