Цената на американската нафта WTI се искачи на 112 долари за барел вчера и ја надмина цената на нафтата Брент за прв пат по повеќе од 15 години, која изнесуваше 107,57 долари. Вообичаено е Брент да биде поскап бидејќи претставува морска нафта, додека WTI е поевтин, но оваа промена укажува на голема тензија на американскиот пазар поради нарушувањето во Ормутскиот теснец.

Последен пат кога WTI беше поскап од Brent беше пред 2011 година. Иако дел од скокот има технички причини, клучниот фактор е остриот раст на побарувачката. Купувачите се подготвени да платат повеќе за нафта што е веднаш достапна, што го потврдува рекордната ситуација со „заостанување“ на пазарот. 

„Пазарот е глобален, но регионалните околности се различни во моментов. Ова е веројатно привремено“, изјави за Biznis.rs ,Томислав Миќовиќ, генерален секретар на Здружението на нафтени компании на Србија.

Ова практично значи дека американската нафта доби еден вид „премија за безбедност“, бидејќи е подостапна и полесна за испорака во услови на нарушени глобални текови. Во петокот наутро, нафтата од типот Brent се тргуваше по цена од 109 долари за барел, додека WTI чинеше околу 111,5 долари за барел, според податоците од специјализираниот портал OilPrice.

Цените дополнително пораснаа откако американскиот претседател Доналд Трамп се закани со остар напад врз Иран, додека сообраќајот на танкери низ Ормутскиот теснец е сè уште блокиран за премин на бродови од земји што Иран не ги смета за пријателски настроени. Европските земји размислуваат за формирање коалиција за враќање на пловидбата.

Foto: Freepik / rorozoa