Над 80 невладини организации бараат директно да учествуваат во преговорите за излез од политичката криза во Македонија.

Тие велат дека граѓанското општество е збир на индивидуи, групи, организации, заедници и движења со јасно артикулирани политички ставови. Додаваат дека не се монолитни, дејствуваат за подобрување и демократизација на општеството и за застапување на интересите на граѓаните.

„Поаѓајќи од уставно загарантираната можност за непосредно изјаснување на граѓаните и од уставната слобода за здружување заради остварување и заштита на политички, економски, социјални, културниидруги права и уверувања, убедени сме дека сега е вистинскиот момент што е можно повеќе граѓани да ги исползуваат овие демократски можности, соцел да се вклучат во решавањето на политичката криза и сотоа, да им помогнат на општеството и на државата“ - изјави Симона Спировска од „Ајде“ на прес-конференција пред Делегацијата на ЕУ.

Граѓанските организации објаснуваат дека нивната вклученост не треба да подразбира дека ќе имаат претставнички мандат, ниту дека ќе имаат улога, надлежност и мандат да одлучуваат во рамки на преговорите.

Протестите нема да бидат ставени во мирување, но притисокот ќе биде реализиран преку разни протестни активности.