На Србија и требаат 15000 ИТ стручњаци, за да се задоволат потреби на странските фирми кои доаѓаат во земјата.

Од 2008 година па наваму приходите во ИТ секторот пораснале за 14 пати, а стапката на раст последнава година била 20%, што охрабрува, но и загрижува.

„Можеме да жалиме што немаме доволно ИТ стручњаци, можеби стапката на раст би била 50%, а не како сега 20%. Можеби Србија би можела да стане технолошки лидер во Европа, да реагиравме навреме„- вели деканот на ЕТФ, Зоран Јовановиќ.

Компанијата Асеко вработува 500 луѓе, а кадар се бара и за други фирми, но нема доволно ИТ стручњаци.

Поради овие причини се предлага да се воведе информатика како задолжителен предмет во училиштата. Но, засега нема најави дека тоа ќе се реализира.