Грција го продава храмот на Аполон, тврди грчкиот неделник „Пондики“. Археолошката атракција се наоѓа на плажа, која е дел од хотелски комплекс во Атина, што се нуди за продажба преку агенцијата за приватизација ТАИПЕД. За посета на храмот е потребна дозвола од сопственикт на хотелот, кој отсега може да биде и приватно лице. Жителите на регионот и граѓанското движење „Алтернативно дејствување за квалитетен живот“ упатија повик до Владата, пратениците, политичките партии и судските власти итно да реагираат. Тие бараат итно запирање на постапката за продажба на археолошкиот храм и инфраструктурата, шумата и плажата во реонот. Храмот на Аполон е откриен при ископувња во 1926-27 година и е со димензии 13 на 7 метри.