Криза за храна се наѕира во Либан.

Светската програма за храна (WFP) на Обединетите нации денеска објави дека Либан се соочува со криза во безбедноста на храната, бидејќи војната во Иран го нарушува снабдувањето со стоки во земјата.

„Она што го гледаме не е само криза на раселување, туку брзо станува криза во безбедноста на храната“, рече директорката на Светската програма за храна, Алисон Оман.

Таа предупреди дека храната станува сè помалку достапна поради зголемувањето на цените на храната и побарувачката меѓу раселените семејства.

Либан се соочува со двослојна криза, во која некои пазари целосно се распаднаа - особено на југ, каде што повеќе од 80 oтсто од пазарите повеќе не функционираат - додека оние во Бејрут се под зголемен притисок.

Иако пазарите на национално ниво генерално функционираат, многу трговци во областите погодени од конфликт во јужните делови на Либан пријавуваат дека им останале за помалку од една недела основни залихи од храна.

Министерството за трговија соопшти дека се достапни стратешки резерви на храна и гориво.

Иако мостот Касмије, кој претходно беше урнат, сега е во функција, движењето останува предизвик. Десет конвои стигнаа на југ за да обезбедат помош на некои од проценетите 50.000 до 150.000 лица на кои им е потребна хуманитарна поддршка во тој дел од земјата.

Откако на 28 февруари годинава, Израел и САД го нападнаа Иран, Израел вршеше и напади на либанска територија. 

foto Wikipedia/marviikad