На Белград му се заканува Сава, ама и Дунав!
Врвот на поплавниот бран од Сава ќе стигне во Белград во сред, додека водостојот на Дунав преку нивото за вонредна одбрана се очекува да се искачи во четврток и петок, оценува српскиот Републички хидрометеоролошки завод.
„Реката Сава ќе биде во пораст во Белград во следните четири дена. Но, што се однесува до загрозеноста на главниот град, таа нема да зависи само од Сава, туку и од Дунав. Во следните неколку дена, Дунав исто така упорно ќе расте, а врвот се очекува да го достигне во четврток и петок, кога ќе се искачи на ниво од 20, па дури и 40 сантиметри од нивото предвидено за вонредна одбрана од поплави“, вели хидрологот Александар Вујановиќ. Испуштањето на вода низводно преку Ѓердап единствено може да го ублажи водниот бран.
Слично
Поврзани вести
