Српската писателка Исидора Бјелица почина денес во Белград на 52 годишна возраст.

Родена е на 10 декември 1967 во Сараево, каде завршила гимназија, а во Белград дипломирала и магистрирала на Факултетот за драмски уметности. Освен по бестселерите, Бјелица беше препознатлива и по шапките кои со тек на време станаа нејзин заштитен знак.

Во 2012 ѝ беше дијагностициран рак по што ѝ беа отстранети двата јајника и матката, а таа често отворено изјавуваше дека освен со болките, мора да се бори и со психата, затоа што ракот го сметаше за елегантно самоубиство. За да ги плати лекувањата во странство, Бјелица мораше да продаде околу 3 илјади ретки книги.

Бјелица е авторка на повеќе од 40 книги.