По 18 години работа како проектант и технолог за електро опрема во автомобилска индустрија,  во 2011 година Владимир Арнаутовиќ од Србија останал без работа и морал да почне свој бизнис. 

Тој вели дека имал 40 години, и  поради потребата да преживее и да обезбеди егзистенција дал максимум од себе.  Го основал интернет сервисот Tender5.net.

„Кога помина шокот и кога сфатив дека сум препуштен на себе и на своите одлуки за иднината, прво што направив беше разговор во кругот на семејството. Ги дефинирав целите и приоритетите во наредниот период. Најважно ми беше да не ме фати паника или да не се обесхрабрам. Одлучив да не скокам од фирма на фирма и да создадам свој бизнис“ - вели тој. 

Имал многу идеи, но решил да се дообразува во програмирање. 

Следната година го отворил Tender 5. 

За овој бизнис се консултирал со брат му кој живее во Франција, и поентата на сајтот е да најде мајстори од различни дејности онаму каде е потребно. 

Сепак, овој човек вели дека условите за бизнис во земјата не се на завидно ниво и има многу проблеми. 

Во неговиот систем се регистрирани 17% од градежните фирми во Србија.