Министерството за внатрешни работи потврди дека Дејан Митровски - Урко, кој со години е личен телохранител на премиерот Никола Груевски, е суспендиран од работната позиција и веќе не го обезбедува претседателот на Владата. Причините за суспензијата МВР не ги објавува. Дневниот весник „Дневник“ вчера објави дека причина за суспендирањето на Д.М. е недоволна посветеност и непочитување на професионалните стандарди поврзани со угледот на вработениот, како и намален фокус на обврските. Тој е познат кик-боксер и е вработен во Шестата управа на МВР задолжена за физичко обезбедување на важни државни претставници и објекти. Додека трае суспензијата, Митровски нема да раководи со тимот што го обезбедува премиерот.