Одговарајќи на новинарско прашање поставено од агенцијата Мета, портпаролот на МВР Иво Котевски вели дека МВР презема се што треба во однос на снимките кои што осамнуваат на каналот Јутјуб а се поврзани со премиерот Груевски и лидерот на опозицијата Зоран Заев.

Котевски изјавил дека МВР се придружува до апелот на Обвинителството, да не се објавуваат снимки на „Јутјуб“ кои можат да бидат искористени во понатамошна постапка.

– Постапуваме по сите наредби на Јавното обвинителство, се обративме до „Јутјуб“ и снимките беа тргнати. Но, најдобро е да си се јавите до „Јутјуб“ и да прашате. Тоа е приватна компанија и МВР нема надлежност над нив – вели Котевски на прашањето дали МВР побарало од „Јутјуб“ да ги тргне снимките од „тајните средби“ меѓу Груевски и Заев.