Во текот на вчерашниот ден по наредба издадена од ОС Велес извршен е претрес во  домот и помошните простории каде живее С.Н.(39) од Велес при што беа пронајдени најлонско пакување со опојна дрога марихуана од околу 30 грама и седум поголеми најлонски пакувања марихуана, со вкупна тежина од околу  два килограми. Истите се одземени и предадени на вештачење. Против С.Н. и Ц.А.(54) е поднесена кривична пријава поради основи на сомнение за сторено кривично дело “неовластено производство и пуштање во промет на наркотични дроги, психотропни супстанции и прекурсори” и лицата се изведени пред надлежен суд, информираат од МВР.

СВР Охрид поднесе кривична пријава против С.Н.(46) од Охрид поради постоење основи на сомнение за сторено кривично дело “неовластено производство и пуштање во промет на наркотични дроги, психотропни супстанции и прекурсори”. На 16.09.2014 година, при претрес во неговиот дом, полициските инспектори пронајдоа околу 10 грама грама опојна дрога хероин. Пријавениот хероинот го спакувал во една алуминиумска и две најлонски помали опаковки. Дополнително пронајдени се една алуминиумска фолија,  лажичка со траги од опојна дрога, рачно изработена алуминиумска цефка со траги од опојна дрога како и други предмети.

Пријавениот С.Н. е лице познат на службата против кого, по слични основи и досега биле поднесувани кривични пријави.