Од Министерството за внатрешни работи инфирмираат дека е поднесена кривична пријава а физички напад против С.С.

Имено, С.С во неделата за време на одржувањето на  скопскиот маратон нападна граѓанин кој држеше транспарент „Трчај како да ја носиш веста дека Грујо е во затвор!“.

Од МВР исто така велат дека е извршен разговор со  С.С. во присуство на адвокат и против него е поднесена прекршочна пријава.

Лицето кое беше нападнато е активист на Солидарност а на Скопскиот маратон од ова движење рекоа дека носат политички ангажиран транспарент за охрабрување и бодрење на маратонците.

„Транспарентот на нашите активисти со содржина „Трчај како да ја носиш веста дека Грујо е во затвор!“ го привлече вниманието на присутните и се рашири на социјалните мрежи. Но очигледно пораката погоди и нечиј нерв. Набргу по истакнувањето на транспарентот, нашите активисти беа насилно турнати на страна од непознати лица. Транспарентот беше одземен и искинат, а нашиот активист кој го носеше транспарентот беше физички нападнат. За среќа, инцидентот е документиран и прикажуваме како тој се одвиваше. Нападот е пријавен и во полиција. Повикуваме на сите оние кои имаат било каква информација за идентитетот на напаѓачите, да ја споделат со нас. Прашуваме: дали се работи за случајни силеџии, дали се обезбедување на маратонот, дали се тоа припадници на политичка структура, или пак можеби се службеници на „редот и мирот“ во цивилна облека? “ – велат од Солидарност.