Министерството за внатрешни работи ги почнува преговорите со полицискиот синдикат околу динамиката и начините за усогласување на платите во МВР и во јавната администрација. Министерката Гордана Јанкуловска и претседателот на македонскиот полициски синдикат Тихомир Климовски заеднички ќе информираат за процесот. На вчерашното обраќање пред синдикалните претставници, премиерот Никола Груевски ја најави ваквата мерка. Според Груевски, неусогласеноста меѓу платите во МВР и во јавниот сектор и понатаму претставува предизвик, па ќе биде подготвена повеќегодишна стратегија за надминување на јазот меѓу платите на полицајците и административците.