Нови 1.445 акции во фармацевтската индустрија „Алкалоид“ докупи генералниот директор на компанијата Живко Мукаетов. Според информацијата доставена до Македонската берза, Мукаетов сега поседува околу 7% во „Алкалоид“. Вкупниот број на издадени акции на „Алкалоид“ изнесува 1.431.353, од кои 1.418.646 се со право на глас. Мукаетов купува нови акции во компанијата секоја година откако е на нејзино чело. Во западната бизнис етика ова се толкува како силен знак дека вложувањето во таа акција за сите надворешни инвеститори е посакувано и сигурно, а компанијата се оценува како просперитетна зашто нејзината управа во континуитет купува акции.