Светската економија би можела да западне во блага рецесија ако цената на нафтата од типот Брент остане околу 125 долари за барел подолго време, предупредува раководителот на одделот за меѓународна економија во агенцијата Мудиз, Гаурав Гангули.

Засега, како што изјави Гангули за CNBC, основното сценарио сè уште предвидува дека конфликтот на Блискиот Исток би можел да заврши релативно брзо.

Претседателот на САД, Доналд Трамп, синоќа објави дека ќе почне операција за спасување на танкерите блокирани поради затворањето на Ормутскиот теснец, но цените на нафтата Брент денеска повторно скокнаа на повеќе од 112 долари за барел по извештаите за нова ескалација на безбедносните тензии во Персискиот Залив.

Според медиумските извештаи, наводно две ракети го погодиле американскиот воен брод откако тој ги игнорирал предупредувањата на Иран, иако висок американски функционер подоцна негираше дека нападот се случил.

Според проценките на аналитичарите, дури и ако на заглавените танкери им биде дозволено да го напуштат Персискиот Залив, прекините во трговијата со енергија може да продолжат.