Агенцијата за кредитен рејтинг Мудис смета дека грчкиот долг останува неодржлив и голема е веројатноста земјата да стане платежно неспособна и покрај договорот постигнат за него.

„Ние стоиме на нашето мислење дека веројатноста од банкрот поради долгот кон приватните кредитори е голема, и со оглед на фактот што 70 проценти од долгот е кон јавни кредитори, само контролирано намалување на главницата од страна на тие јавни кредитори би го направил долгот одржлив“, тврдат од Агенцијата.

Пред неколку дена министрите за финансии од еврозоната и ММФ се договорија за пакет мерки за намалување на грчкиот долг за 40 милијарди евра, со што до 2020 година тој би се довел до 124 проценти од БДП-то на државата.