МУ ГО ИЗВАЛКАА КОСТУМОТ - главниот преговарач на Приштина доби порака за заедницата на српските општини
Вицепремиерот задолжен за дијалог со официјален Белград, Бесник Бислими, доби чоколадна торта и милкшејк на својот костум.
Со нив беше „почестен“ од активисти на вонпарламентарната Социјалдемократска партија на Косово (ПДС).
На видеото кое беше споделено на твитер се гледаат активисти како пред влезот на зграда фрлаат парчиња торта кон Бислими, извикувајќи „честитки за Заедницата на српските општини“.
„Тие што го прифатија се радуваат! А ние, граѓаните на Косово, ќе се спротивставиме и масовно ќе бараме нивна оставка“, му порачаа активистите.
Бесник Бислими е вицепремиерот на Косово, и еден од водечките луѓе на косовската страна во преговорите меѓу Приштина и Белград.
На маса е германско-францускиот предлог за решение на косовското прашање, а во него, меѓу другото е вклучено и формирање Заедница на српски општини. На тоа остро се спротивставуваат граѓаните од Косово.
Kosovo deputy PM Besnik Bislimi attacked with cake and milkshake by PSD members in protest to Kurti's government deal with Serbia to form Association for Serb-predominantly municipalities pic.twitter.com/vksEpKNR8c
— Ekrem H. Krasniqi (@E_H_Krasniqi) March 21, 2023
Слично
Поврзани вести
