Граѓанската асоцијација МОСТ излезе со нови забелешки за евидентирани нерегуларности од страна на нивните набљудувачи. Најголеми забелешки има околу случаите на семејно гласање.

Ова се забелешките на МОСТ:

-На гласачките места 0276, 0277 и 0279, општина Пласница, е забележено системско прекршување на процедурата на гласање. Забележани се повеќе од 60 случаи на семејно гласање и систематско на некористење на УВ ламба.

-На гласачко место 1.583, општина Радовиш, забележани се повеќе од десет случаи на семејно гласање, како и случај во кој едно лице им помага за гласање на повеќе лица.

-На гласачкото место 1.906 село Лабуништа општина Струга забележани се исто така повеќе од десет случаи на семејно гласање.

-Во струшкто село Лабуништа, на гласачкото место 1.908 забележани се 14 случаи на семејно гласање,  а на гласачкото место 1.905 набљудувачите евидентирале повеќе од 35 случаи на семејно гласање. -Повеќе од 35 случаи на семејно гласање исто така се забележани и на гласачкото место 1.999 во општина Тетово. -На гласачко место 1.253 во Охрид регистрирани се два случаја во кои на гласачките ливчиња имало кандидат од друга општина.

-На гласачко место 1.537, во општина Пробиштип, на едно лице му е дадено да гласа пред да се провери во избирачкиот список и додека тој бил зад параванот одборот утврдил дека тоа лице не е на списокот. Ливчињата се поништени и е направен записник.

-Параван за гласање на гласачкото место 0937, општина Кратово имал  отвор поради што е нарушена тајноста на гласањето. -На гласачко место 0845, општина Кочани имало петнаесетминутен прекин поради расипани УВ ламби. Тие се поправени и гласањето продолжило. -На гласачкото место 0678, во општина Кавадарци, партиски набљудувач правел список со гласачи бидејќи се читаат на глас. По реакција на останатите членови на Избирачкиот одбор и набљудувачите, списокот му е одземен и скинат по што гласањето продолжило. -Според набљудувачите на МОСТ, на гласачкото место 2.563, општина Ѓорче Петров, набљудувач од политичка партија во седум случаи им помагал на гласачите при гласањето и им сугеририрал за кого да гласаат.

-На гласачко место 2.916, во општина Чаир, гласач не бил запишан во избирачкиот список, а му било дозволено да гласа.

-На гласачкото место 2.613, во општина Карпош, е регистрирано неовластено присуство на носител на кандидатска листа во објектот.

-На три избирачки места во општините Центар и Кратово е забележано читање на глас на имињата на гласачите