Трагедија ja потресе Словенија. 

Момче си го уби семејството по што се самоуби. 

Трагедијата се случи во населбата Јанче во поширокиот регион на  Љубљана, каде 22-годишник со студено и огнено оружје ги убил своите татко, мајка и сестра, а потоа си пресудил и себеси, објавуваат тамошните медиуми, по потврда од полиција.

Полицијата за трагедијата е известена синоќа по 21 часот.

Претставникот на полициската управа на Љубљана, Валтер Зрински, кажал дека  26-годишната сестра на сторителот повикала полиција и предупредила на насилно однесување од 22-годишниот брат, по што на местото е испратена специјална полициска патрола.

Потоа во полицијата се јавил и самиот сторител, и кажал дека ги убил членовите на своето семејство, покрај сестрата и 56-годишната мајка и 60-годишниот татко. 

Соседите се шокирани и велат дека не им е познато дека досега момчето насилно се однесувало. Мотивите сѐ уште се непознати.