Шест недели патување, осум земји, два континента и само 247 фунти (околу 290 евра) за авионски билети. Звучи како невозможна мисија, но токму тоа успеаја да го постигнат Британецот Џастин Вали и неговата партнерка Викторија, патувајќи повеќе од 13.500 милји со буџет што многумина го трошат за една вечера во Лондон.

Нивната авантура ги однесе во Латвија, Австрија, Обединетите Арапски Емирати, Малдиви, Бахреин, Јордан, Саудиска Арабија, Романија и назад во Велика Британија.

Дополнителен предизвик беше да не трошат повеќе од 40 фунти дневно во текот на целото патување.

Џастин, кој досега посетил дури 128 земји, вели дека идејата се појавила по тежок период во неговиот живот.

„Минатата година не беше најдобра за нас. Поради здравствени проблеми, останавме заробени во рутина, ги загубивме работните места и чувството за стабилност. Сакавме повторно да излеземе во светот и да ја вратиме енергијата“, рече тој.

Како пронајдоа летови за 247 фунти?

Клучот за успех беше внимателното планирање и потрагата по евтини авионски билети.

„Најдов неверојатно евтини летови до Саудиска Арабија. Речиси се откажав од Малдивите бидејќи претпоставив дека се премногу скапи. Потоа ја видов цената на билетите и веднаш се јавив на Викторија, да дојде и да ги разгледа“, вели Џастин.

После тоа, тие почнаа да ги прилагодуваат рутите и да додаваат нови дестинации, внимателно водејќи евиденција за сите трошоци за да останат во рамките на буџетот.

Едно од најголемите изненадувања беа Малдивите, дестинација што повеќето патници ја поврзуваат со луксузни одморалишта и астрономски цени.

Двојката најде сместување со појадок за само 30 фунти од ноќ.

Јордан и Саудиска Арабија им оставија посебен впечаток, пренесува Блиц.