Мобилниот даночен шалтер на Управата за јавни приходи во март ќе посети над 10 населени места, со што граѓаните ќе можат да добијат даночни услуги, совети, да поднесат даночни пријави и други барања. Според распоредот објавен на веб страната на УЈП, на 1 март мобилниот даночен шалтер ќе биде во Липково, на 3 март во Лозово и Јегуновце, на 4 март во Петровец, на 7 март во Желино, на 8 март во Теарце, на 9  март во Пласница и Чашка, на 10 пак Лозово, на 11 март во Ѓорче Петров, на 15 март во Зелениково, Центар Жупа и Зрновци и на 24 март ќе го посетат Лозово. Пред општинските згради  во наведените општини даночниците ќе бидат од 10 до 15 часот, со цел да им излезат во пресрет на граѓаните и фирмите. Со три специјално опремени комбиња, даночниците секој месец посетуваат населени места каде немаат постојани даночни канцеларии.