Мобилниот даночен шалтер на Управата за јавни приходи, во месец ноември ќе посети повеќе од 10 општини во Македонија. 

Денеска ќе биде посетено Старо Нагоричане, на 4 Маврово и Ростуша, на 7 Липково, на 8 Јегуновце, на 10 Центар Жупа и Лозово, на 11 Зрновци и пак Маврово Ростуша, на 14 Желино, на 16 Карбинци, на 18 Маврово Ростуша, на 22 Теарце, на 23 Конче, на 24 Лозово, на 25 Маврово и Ростуша и Зрновци и на 30 Пласница и Чашка. Посетите се од 10 до 14.30 или од 10 до 15 часот пред општинските згради. 

Граѓаните и фирмите, без да го напуштат своето место на живеење/седиште, можат да ги добијат сите даночни услуги и информации преку мобилните шалтери, да ги достават сите видови на даночни пријави, барања и слично, како и да ги подигнат сите документи што ги издава Управата за јавни приходи. 

Со трите специјално опремени комбиња, даночниците секој месец ги посетуваат населените места каде Управата нема постојани даночни канцеларии, како и локации кои дополнително можат да се утврдат во соработка со општините и потребите на локалното население и бизниси.