Мобилниот даночен шалтер на Управата за јавни приходи во мај ќе посети повеќе рурални општини во земјава.

Според распоредот објавен на веб страната на УЈП, на 4 мај ќе биде посетена општина Чашка, на 12 Лозово, на 17 Пласница, на 18 Јегуновце, на 19 Центар Жупа и Лозово, на 25 Теарце, на 26 Желино, на 27 Зрновци и на 30 Липково.

Со трите специјално опремени комбиња, даночниците секој месец ги посетуваат населените места каде Управата нема постојани даночни канцеларии, како и локации кои дополнително можат да се утврдат во соработка со општините и потребите на локалното населиние и бизниси. Граѓаните и фирмите, без да го напуштат своето место на живеење, можат да ги добијат сите даночни услуги и информации преку мобилните шалтери, да ги достават сите видови на даночни пријави, барања и слично, како и да ги подигнат сите документи што ги издава Управата за јавни приходи.