Меѓународниот монетарен фонд ги продолжува преговорите со грчките власти за прашањата на кредитирањето, независно од одлуките на министрите од еврозоната во Брисел.

Ова се вели во официјалното соопштение на директорот на Фондот, Кристин Лагард .

"Како што информира извршниот одбор на Фондот за неодредени резултати од неодамнешните дискусии во Брисел на ситуацијата во Грција го споделуваме со останатите своето разочарување и ја истакнав нашата непоколебливост да ги продолжиме контактите со грчките власти", се вели во соопштението.

ММФ ќе продолжува да го следи внимателно развојот на настаните во Грција и на земјите околу неа. И ако треба ќе изврши помош при неопходност.

Грчкиот министер за финансии Јанис Варуфакис од своја страна изјави дека можното одбивање на Грција да ги исполни своите обврски пред доверителите не значи дека земјата е обврзана да ја напушти еврозоната, пренесе ВВС.

Министерот изрази уверување дека во моментов нема никакви предуслови за тоа Атина да ја напушти зоната на единствената европска валута.