Пад има економијата во Македонија и регионот, констатира Меѓународниот монетарен фонд. 

Економијата во Македонија годинава ќе има пад од 5,4%, проекција која е многу полоша од априлската, кога се очекуваше негатива од 4 отсто. 

Ова го предвидува ММФ во најновиот Извештај. Подобри бројки очекуваат наредната година, кога БДП би остварил раст од 5,5 отсо. 

Годинава би ја завршиле со инфлација од 0,9%, и дефицит на тековната сметка од 4,7%.

Најмногу ќе страдаат сиромашните земји, кои ќе имаат потреба од финансиска помош од другите земји. 

Според ММФ  бројот на отпуштени работници ќе расте, а  сиромашните ќе бидат уште посиромашни. 

Но, од ММФ  предвидуваат дека глобалната рецесија, предизвикатана од корона кризата ќе биде послаба  отколку што се очекуваше.