Во потрага по убијците на сопственикот на менувачницата, Горан Ѓокиќ (57), неговата сопруга Гордана (56) и ќерката Лидија (25), полицијата ги презела сите снимки од камери од приватни куќи и згради во с. Моравац, но и од блиското село Шитковац и селото Тешица, по што црвен автомобил што беше виден во Моравац во неделата, 26 септември, денот на исчезнувањето на семејството, наводно им паднал во очи!

Како што објаснува изворот на весникот Курир, инспекторите детално ги разгледуваат снимките и полека составуваат мозаик од ова злосторство што ја потресе цела Србија.

„Прегледан е видео материјал, не само од 26 септември, туку и од претходните, но и наредните денови. Кобната ноќ камерите го снимија автомобилот „пасат“ со кој Горан, Гордана и Лидија околу полноќ се упатија кон својот стан во Алексинац, но тие никогаш не пристигнаа таму. Најверојатно биле пресретнати од некој во Моравац и принудени да возат до нивите, каде што биле пронајдени мртви и изгорени“, вли извор и додава. 

„Она што може да биде важно за истрагата е црвениот автомобил што беше виден во Моравац во неделата. Тој автомобил не припаѓа на ниту еден од локалните жители, така што постои можност напаѓачите да го користеле ова возило“, вели извор на истрагата.

Секако, извршителите го знаеле просторот во кој се движеле, имајќи предвид дека „Пасатот“ е снимен со камера од една куќа само во 2.05 часот наутро во Тешица, најверојатно кога убиецот ги одвел во шумата за да го запали. Инаку, инспекторите веруваат дека Ѓокиќ бил убиен помеѓу 00.24 и 2.05 часот.

Извор: Курир.рс