Миодраг Дака Давидовиќ, црногорски бизнисмен, беше испрашуван од полицијата во Никшиќ. Тој им ја објасни на инспекторите за општ криминал ситуацијата во врска со обидот за атентат кога беше ранет во Белград, а потоа во друг случај за економски криминал им даде изјава на инспекторите на тој оддел, објави Вјести.

Претседателот на Народното движење, Миодраг Дака Давидовиќ, заврши со сведочење во полицијата во Никшиќ, каде беше повикан на распит поради изјавата дека српскиот претседател Александар Вучиќ наводно стоел зад неговиот атентат пред година и пол во Белград.

Фактор денеска пак објави дека компанијата „Нексан“ од Никшиќ на Миодраг Дака Давидовиќ стана сопственик на „Јелак Градба“ од Тетово, наместо панамската оф-шор компанија Адастра на контроверзниот црногорски бизнисмен.

Давидовиќ беше испрашуван во два случаи по барање на Србија - поради тврдењето дека Александар Вучиќ стои зад обидот за убиство во Белград, но и во случајот за економски криминал.

По сослушувањето, Давидовиќ посочи дека е сомнително тоа што во Србија се чекало петнаесетина месеци да бидат обелоденети информации во врска со овој случај и дека сега е на судските органи да го утврдат тоа, пренесува Телевизија Никшиќ.

„Познато е дека во Србија ништо не може да се случи без негово знаење (Вучиќ), па затоа сега е целосно јасно за што станува збор“, рече Давидовиќ за ТВНК.

Давидовиќ дошол во полицијата во Никшиќ околу 9,40 часот, а бил таму до 11,30 часот, откако дал изјави на две места по барање на Министерството за внатрешни работи на Србија.

Тој им ја објасни на инспекторите за општ криминал ситуацијата во врска со обидот за атентат кога беше ранет во Белград, а потоа во друг случај за економски криминал им даде изјава на инспекторите на тој оддел.

„Вучиќ има амбиција да се скара со луѓето во Црна Гора, како што тоа го стори во Србија, Косово и Република Српска. Неговиот нагон не стивнува и тоа е нешто што сигурно ќе ја искомплицира ситуацијата на овие простори. Лудак, навистина започна луда приказна, уверете се сами што се случува во Србија и дека луѓето не можат да живеат нормално“, рече Давидовиќ неодамна за српските медиуми.

Потоа рече дека не очекува ништо посебно од испрашувањето и дека само ја кажал вистината.

"Медиумите на Вучиќ објавија дека тоа го сториле криминалци кои сега се уапсени (кланот на Веjко Беливук) и сите знаат дека тие ги создал Александар Вучиќ. Немам други извори, тој самиот се открил", рече Давидовиќ.

Извор и фото. Вјести.ме