Министерството за здравство со оглас за 100 кофинансирани специјализации
Министерството за здравство распиша оглас за 100 кофинансирани специјализации за невработени и доктори кои не работат во јавни здравствени установи.
Огласот трае до 22 април и може да се пријават сите доктори со положен стручен испит кои се невработени. Предност ќе им се даде на 70 доктори од првата генерација студенти од Штипскиот универзитет. Со тоа најголемиот дел од докторите ќе бидат вработени во внатрешноста на земјата.
„Министерството за здравство ќе кофинансира 20 до 80 проценти од нивната специјализација и потоа ќе имаат загарантиран месечен надомест. Особено ќе внимаваме на првата дипломирана генерација на студенти од Штипскиот универзитет, имајќи предвид дека овие веќе завршени доктори се од внатрешноста на Македонија од повеќе различни градови каде што имаме недостаток на специјалисти, се со цел да се надмине проблемот со недостаток на специјалисти во повеќе градови во земјата“ - кажа министерот за здравство, Никола Тодоров.
Од нив 20 специјализации се за анестезиологија на КАРИЛ. Воедно објавени се специјализации и за педијатрија, гинекологија и акушерство, неврологија, кардиологија, трауматологија, ортопедија и други.
Слично
Поврзани вести
