Мина донесена од поплавата, експлодира денеска на подрачјето на босанскиот Дистрикт Брчко. Во инцидентот никој не е повреден.

Центарот за отстранување на мини во Босна и Херцеговина предупреди дека надојдените реки поместувале мински полиња поради што се можни експлозии. Центарот ги предупреди граѓаните со импровизирани ознаки да ги обележат минираните места, да не ги допираат мините и да ги известат надлежните органи.

Од мини најзагрозени се подрачјата на Босанска Посавина, Тузланскиот кантон, подрачјата на Добој, Маглај, и Олово и Унско-санскиот кантон, кои беа најмногу зафатени од поплавите.

- Заедно со посебниот тим на белгиската воена академија, во текот на денот беспилотното летало ќе го сними подрачјето на Маглај и Добој за да го утврди поместувањето на минските полиња, како последица на поплавите и свлечиштата, соопшти Центарот за отстранување на мини