Мирослав Мика Алексиќ никогаш не му се допаѓал на Стефан Радуловиќ, таткото на Милена Радуловиќ, српската актерка која о обвини Алексиќ дека сексуално а злоупотребил. Тој и негоавта сопруга Александра за прв пат во јавноста проговореа за сите детали околу настаните, одењето во школата на Алексиќ, како Милена молчела, како се променила.

- Никогаш не ми се допадна Мика. Секогаш имав отпор кон него и се обидував да ја одвратам Милена од актерство. Нешто не беше во ред со мене. Не можам да објаснам, но не ми се допадна, претпоставувам дека беше инстинкт. Велев дека е тоа секта. Ги казнуваше децата кога доцнеа, и требаше ние родителите, да ги чекаме децата еден час подолго од планираното и да го обиколуваме училиштето. Многу пати сакав да се качам и да видам што прават, но не го сторив тоа, бидејќи знаев дека Мика ќе и направи проблем на Милена поради тоа - вели таткото Стефан.

Ги забележав сите промени и последици врз Милена. Се! Но, причината не беше на мојот ум. Размислував за се, освен дека ја повредил некој близок во кој имаме доверба - вели мајката на Милена, Александра Радуловиќ.

Александра Радуловиќ вели дека слушнала за училиштето за актерство кога била мала, но никогаш не била заинтересирана.

- Милена и нејзината помала сестра Ања одеа на пливање, тенис, танцување, сликање. Но, во 2006 година, на летен одмор, се сретнавме со пријател чија ќерка, врсничка на Милена, веќе беше во групата. После тоа, Милена навистина сакаше да се запише, отиде на аудиција и беше примена. Така започна - вели мајката на Милена

Тие наведуваат дека на почетокот, децата се плашеле од Мика и неговата строгост, имајќи предвид дека биле примени во групата мали (Ива на девет години, Милена на 11 години), некои од нив се откажале во таа фаза. Со текот на времето, тие го прифатија тоа. Мика им стана пријател, втор татко и единствен на оние кои немаа татко. Неговото влијание растеше со текот на годините. Тој всушност стана нивниот врховен авторитет, велат родителите.