Екс директорот на  УБК, Сашо Мијалков го повика претседателот Иванов да  ги повлече одлуките за прекин на постапките кои се однесуваат на него. Тој е уверен во добрата намера на Иванов и вели дека работел чесно и совесно во интерес на безбедноста на граѓаните. „Постапките кои СЈО ги покрена или има намера да ги покрене против мене, немаат никаква правна основа и единствено се базираат на политички нарачан прогон спротивен на Уставот и законите, вели Мијалков за прес 24. Тој е убеден додава дека не сторил ништо незаконско. – Убеден сум дека претседателот Иванов имал најдобри намери, но во мое лично име го повикувам да ги повлече одлуките за прекин на постапките кои се однесуваат на мене, бара Мијалков.