Во близина на грчкиот остров Крит се преврте брод со неколку стотици мигранти, соопшти претставник на локалната полиција за АФП.

Досега успеале да се спасат 250 луѓе. Бродот од 25 метри  е половина потопен. Кон местото на несреќата се испратени два патролни чамци, авион и хеликоптер. Најмалку четири бродови, кои се во областа, се вклучуваат во спасувачката операција.

„Луѓето се во водата, од бродовите , кои биле во зоната, им фрлиле спасувачки пловци за да можат мигрантите да се фатат за нив”- велат од  полицијата.

Грчката крајбрежна стража информира дека засега не се знае колку точно мигранти имало на бродот, кој е лоциран на околу 75 наутички милји јужно од Крит во меѓународните води.