Новиот грчки премиер, Кирјакос Мицотакис најави ограничување на негативните последици од Договорот од Преспа. 

Воедно и европската перспектива на Западен Балкан е дел од итните приоритети на новата грчка Влада.

Што се однесува до Министерството за надворешни работи, стратешки избор е „зајакнување на позицијата на Грција во светот”, но и зајакнување на врските на земјата со традиционалните сојузници и истовремено одржување на отворените канали за комуникација и меѓународната соработка под услови на меѓусебнопочитување и интересстабилизација на земјите од Западен Балкан преку промоција на нивната европска перспектива.

Мицотакис на денешната прва седница на Владата на секој од министрите им подели по еден син коверт/папка што се однесува на целите на секое министерство, но и на нерешените прашања и на обврските што ги остави претходната влада.