Почна средбата меѓу премиерот Димитар Ковачевски и лидерот на опозицијата Христијан Мицкоски. 

Мицкоски во Владата дојде со економскиот тим на ВМРО-ДПМНЕ и се очекува на премиерот да му го презентираат својот план за излез и полесно надминување на енергетската криза.

„Самиот факт што денеска само 500 семејства се разбудија со топли радијатри е доволен доказ дека работата не е сјајна, би рекол катастрофална е работата, цените дека како ВМРО-ДПМНЕ во овие тешки моменти треба да се помогне тоа го правиме веќе две недели, разговаравме со коморите, разговараме и со бизнисот, нормално секојдневно комуницираме и со граѓаните, побаравме и официјално средба и вчера добивме потврден одговор“, изјави  Мицкоски пред средбата.

Мицкоски кажа дека нема да се разговара на други теми освен енергетика.