За само три месеци владата на СДСМ го зголемила јавниот долг за една милијарда евра, обвини претседателот на ВМРО-ДПМНЕ, Христијан Мицкоски. 

Вели дека овие парите кои се задолжуваат, се пари кои се потрошени за изборите.

Додава дека во април опоменал за три сценарија поврзани со кризата, а првото вели се остварува. 

„Согласно податоците од Министерството за финансии заклучно вториот квартал од 2020 јавниот долг изнесува 59,5%, додека државниот долг 50,7%, што споредено со претходното тримесечје повеќе за 8,9 процентни поени. Потрошени се нови една милијарда евра, ама нов автопат, нови градинки, училишта, болници нема. Но, има криминални избори и масовен поткуп“, посочува Мицкоски.

Покачувањето на јавниот и државниот долг во вториот квартал се должи на повлекувањата на средствата преку еврообврзницата и заемот од Меѓународниот монетарен фонд, со цел обезбедување на ликвидност во време на КОВИД-19 кризата,  информираат од Министерството за финансии.