Зачестени санитарни контроли на бензинските пумпи и по патиштата, а на граничните премини и во здравствените центри во земјава ќе бидат дистрибуирани три и пол тони средства за дезинфекција, со цел да се спречи ширење на можни зарази од поплавените подрачја на Балканот во Македонија. Во земјава нема опасност од зарззни болести од овие региони, но веќе се преземаат вонредни мерки. „Има вонредни мерки за оние кои патуваат во Србија да имаат средства за дезинфекција. Доколку биле таму, а по враќањето не се чувствуваат добро туку имаат дијареа, повраќање или висока температура, итно треба да се јават на преглед“, изјави д-р Јованка Костовска од Комисијата за заразни болести при Министерството за здравство. Итни дезинфекции ќе се вршат и на просториите кои беа поплавени по вчерашното невреме во Скопје.