За проблемот со бегалците во наредните години повеќе ќе се занимава Унијата отколку за ситуацијата во Грција и стабилноста на еврото. Тоа го изјави канцеларката на Германија, Ангела Меркел во интервју за телевизија „ЦДФ“, цитирана од агенциите.

Меркел изјавила дека не треба да се зацртаат униформни правила по прашањето за земањето на бегалци на територијата на ЕУ. Таа смета дека е важно да се состават листи на т.н. сигурни земји, па побрзо да се разгледуваат молбите за азил на нивните граѓани и да се депортираат мигрантите во нивната татковина.

Меркел призна дека постапката за разгледување на барањата продолжува предолго поради недостиг на персонал и наведува дека е потребно да се мобилизираат сите кадровски резерви.