Грција мора да биде поодлучна во справувањето со затајувачите на данок, како што се лекарите и адвокатите, се вели во извештај на Европската унија и Меѓународниот монетарен фонд.

Атина има собрано само половина од долговите во данок и спроведени се помалку од половина од ревизиите кои ги побараа нејзините кредитори, покажа истражувањето кое го спроведоа меѓународните кредитори во ноември.

- Мисијата изразува загриженост дека властите заостануваат и оти постои ризик да се намали интензитетот на борбата против затајувањето данок од страна на многу богатите и слободни професии, стои во извештајот.

До крајот на септември властите спроведоа 440 проверки на осомничени богати даночни затајувачи, а целта за цела година беше 1.300. Досега се собрани околу 1,1 милијарди евра од задоцнета даноци, а целта беше да се соберат две милијарди.

Кредиторите ја повика Грција да ја подобри наплатата на даноците и да се фокусира на случаи кои имаат најмногу шанси да дадат резултати. - Лекарите и правниците се добро место од каде треба да се почне, велат тие.