Меѓународната заедница го поздрави договорот меѓу Белград и Приштина
Со низа позитивни пораки беше дочекан договорот меѓу Приштина и Белград. Според Европскиот комесар за проширување Штефан Филе, овој договор ќе помогне и на Белград и Приштина на патот кон Европската унија (ЕУ), а според него многу е важно да биде тој поддржан од политичарите и јавноста во двете земји.
„Ова е историски ден за односите меѓу Србија и Косово, целиот западен Балкан и ЕУ", наведува во соопштението Филе кој вели дека двете земји можар да сметаат на поддршката на Брисел.
За претседателот на Европската комисија(ЕК) Жозе Мануел Баросо, ова е историски договор.
„Го поздравувам напредокот што го направија Србија и Косово во дијалогот под покровителство на ЕУ. Ова е историски договор, што сега мора брзо да биде спроведен. Им честитам на лидерите на обете страни на нивната посветеност, храброст и визија", стои во неговото соопштение.
НАТО е подготвен да го поддржи договорот Белград - Приштина
Според генералниот секретар на Алијансата Андерс Фог Расмусен, НАТО е подготвен да ја поддржи имплементацијата на договорот меѓу Белград и Приштина.
„Договорот претставува чекор напред за регионалниот мир и стабилност и дава нов импулс за евроатланската интеграција на регионот“, истакнува Расмусен кој додава дека НАТО ќе продолжи да ја гарантира безбедноста на Косово како и досега.
Премиерите на Србија и на Косово, Ивица Дачиќ и Хашим Тачи денеска во Брисел го парафираа двостраниот договор, со што ги завршија преговорите меѓу Белград и Приштина за нормализирање на меѓусебните односи.
Слично
Поврзани вести
