Повеќе од 300 компании од утре до 7 март во халите на Скопски саем, ќе имаат можност да се претстават на Меѓународен саем за градежништво, градежни материјали и градежна механизација. Саемот е организиран во три хали, каде компаниите ќе нудат и продаваат производи и услуги за работа, одржување, модернизирање, реновирање и опремување објекти. Во рамки на саемот во Метрополис Арена, по петти пат ќе се одржи и Саемот за недвижности и инвестиции RealExpo. Компаниите ќе им понудат на посетителите станови со попуст и до неколку илјади евра, што ќе важат само за саемските денови, а ќе бидат понудени над 3 000 станови. Исто така, за посетителите ќе биде организирана и наградна игра ,,Награда за надоградба” со вредносни ваучери. На саемот ќе се одржуват и стручни програмски активности на теми на енергетска ефикасност, фасадни системи и еко иновативни материјали.