Шефицата на Европската Комисија, Урсула Фон дер Лајен изјави дека е потребно да се постават ограничувања на цената на гасот и дека оваа мерка е потребна „за да се запрат обидите на рускиот претседател Владимир Путин да манипулира со европскиот енергетски пазар.

Во насока на ова, заменик-шефот на рускиот Совет за безбедност, Дмитриј Медведев, денеска изјави дека едноставно нема да има руски гас во Европа доколку Европската унија наметне плафон на цената за него.

„Ќе биде како со нафтата. Едноставно нема да има руски гас во Европа“, предупреди Медведев, одговарајќи на повикот на претседателката на Европската комисија Урсула фон дер Лајен да постави ограничувања на цената на рускиот гас што се испорачува во Европа, пренесува Тас.