Маслото од канабис со низок процент на психотропна супстанца од следната недела ќе може да се најде во слободна продажба во аптеките.

Ќе може секој да го купи без лекарски рецепт. Од денеска специјалисти ќе учат како да го издаваат маслото на болните и во која доза. Едукацијата ќе  ја реализираат  еминентни професори од Канада и Шпанија. Останиот препарат кој е со појако дејство и кој може да се добие само со пропишување од специјалист, ќе им биде достапен на пациенти со тешки заболувања по едукацијата на лекарите.

Маслата од канабис коишто ќе се продаваат во аптеките низ Македонија, уште немаат одредена цена. Тие ќе се произведуваат тука, а лиценца за производство засега има само една фармацевтска компанија.