Маслинките и маслиновото масло можат да бидат црногорски бренд кој ќе конкурира на европскиот пазар, сметаат од Монтенегро бизнис алијансата. Монтенегро бизнис алијансата направи проект во земјата со помош на средства од меѓународната заедница за поттикнување на производство на маслинки и маслиново масло. Целта беше да им се помогне на сите индивидуалци и субјекти кои се занимаваат со оваа дејност, и покрај стручното знаење да добијат и практично. Се очекуваат уште проекти во оваа сфера. Се смета дека маслинарството е голема шанса за Црна Гора. Бар е еден од најголемите производители и таму над 800 луѓе се занимаваат со огледување на маслинки. И државата нуди помош за обновување на маслинови стебла.