Во април или мај годинава, германската компанија „Маркард“ ќе почне со изградба на својот капацитет кај Велес. Според плановите на компанијата изградбата би требало да заврши до март следната година, а производството да почне во јуни 2015 година. Динамиката и начинот на инвестирање ги најаваи менаџерот на корпорацијата Лудгер Шонекер. Клучен фактор за да инвестираат во Македонија, според Шенкер било пријателското расположение кон бизнисот и искреноста кон инвеститорите. - Разговаравме и со други компании и скоро сите ни го кажаа истото, дека земјата поседува добра работна сила, хендикепот е недостатокот на искуство кај луѓето, но тие се мотивирани и добро образовани, така што ако се стават во позиција можат да ја извршат работата. Инвестицијата е вредна 35 милиони евра, а се планираат вработувања на 500 до 600 лица во наредните четири до пет години. Производите од капацитетот во Македоија ќе се испорачуваат до главната централа на компанијата во Германија, а од таму до нивните клиенти. На листата клинети се и Дајмлер, БМВ, Ауди, Фолксваген.